In komyske, muzikale en psychedelyske syktocht nei ynspiraasje
Nei it súkses fan de foarstelling LORCA, oer de Spaanske dichter Federico García Lorca, dûke de Poezieboys en dichter Joost Oomen no yn de wûndere wrâld fan ynspiraasje. Elkenien krijt der wolris mei te meitsjen, oftst no boekhâlder, dakdekker of keunstner bist. Soms krijst, sa’t se dat sa moai sizze, ‘de geast’. Keunstners hingje hiele libbens op oan dit glibberige, nevelige, net fêst te gripen ding. Yn GEESTEN geane de Poezieboys en Joost Oomen op syk nei dat ding, nei dy geast – en dat dogge se yn harren karakteristike dolle en faak hilaryske spylstyl, fol fleurige assosjearjende tinksprongen, muzyk en ûnferwachte wendingen.
Wat is ynspiraasje? It liket in saai proses. In dichter stiet út it finster te sjen en skriuwt wat oer in fûgel. Mar in dichter stiet heus net altyd út it finster te sjen om ta ynspiraasje te kommen. Hoe wurket dit? Wêr komt it wei? En wêrom slagget it by de iene wol en de oare net? Is der yn de hjoeddeiske, sa strang kontrôleare maatskippij eins wol romte foar sa’n ûngrypber ding as ynspiraasje? Hokker moaie dingen ûntsteane der as wy alle kontrôle loslitte?
Guon dichters leauwe dat ynspiraasje fan bûten harren sels komt – fan marsmantsjes, geasten of skimen dy’t poëzij trochjouwe. It is de taak fan de dichter om dizze bûtenierdske taal sa goed mooglik oer te setten nei poëzij. Mar as de dichter inkeld in trochjouwer is, wa draacht dan de ferantwurdlikens foar wat der op papier stiet? Yn GEESTEN ferkenne de Poezieboys en Joost Oomen dizze mysterieuze krêften mei humor, fernúvering en in flinke doasis spylwille.
Credits
Concept Joost Oomen, Joep Hendrikx, Jos Nargy Regie Ellen Goemans Spel Joost Oomen, Joep Hendrikx, Jos Nargy Muziek Nick Feenstra Vormgeving Pleun Verhees, Sjaan Hofstede Lichtontwerp Iain Hoeffnagel Productieleider Sanne Priem Tourmanagement Sander Koning Techniek Dario Giustarini Marketing Dieke van der Spek, Mathé Többen Campagnebeeld Gordon Meuleman & All Sizes Een productie van De Poezieboys en Explore the North Met dank aan Ministerie van OCW, Fonds Podiumkunsten, Gemeente Leeuwarden, Provincie Fryslân, Gemeente Den Haag, Fonds 21, Dioraphte, LIRA Fonds en Stichting Zabawas.
De makers
Agenda
