As produksjehûs biede wy (jonge) teatermakkers, skriuwers, dichters, muzikanten en oar talint út Fryslân en dêr bûten mooglikheden om har te ûntwikkeljen fanút Ljouwert en Fryslân.
Wy hawwe de hannen yn inoar slein mei partners út binnen- en bûtenlân foar ferskate lokale en (ynter)nasjonale projekten, altyd mei literatuer, taal en meartaligens as reade tried.
Us eigen literêre produksjes, dy’t wy meitsje mei ferskate keunstners en partners, binne te sjen op festivals (fan Lowlands oant Hongerige Wolf), teaters troch it hiele lân en sels dêr bûten. Sa spylje wy bygelyks yn grutte skouboargen troch it hiele lân, mar ek yn de lytsere teaterkes ferspraat yn de provinsje Fryslân.
Fanwege ús brede netwurk yn in protte dissiplines wurkje wy net allinnich ynterdissiplinêr, mar ek bûten de fêste paden fan it kulturele sirkwy om.
Hjirûnder fynst de produksjes, ko-produksjes en oare projekten dêr’t op it stuit oan wurke wurdt.
Beskôgje produksjes en projekten wêr’t wy yn de ôfrûne jierren oan wurke hawwe yn ús argyf.
