De yn Teheran berne sjongeres, multi-ynstrumintalist en komponist Sanam Tahmasebi begûn har muzikale reis al op jonge leeftyd mei klassike gitaarstúdzjes, fuorre troch in djippe passy foar muzyk en artistike ferkenning. Har muzikale oplieding rikt oer kontininten hinne, mei stúdzjes yn Iran, Itaalje, Nederlân en de FS, wat laat hat ta in bachelor yn klassike gitaar, in bachelor yn jazzsang en in master yn jazzkomposysje.
Dizze rike en ferskaatige eftergrûn hat har yn steat steld in unike muzikale identiteit te smeien. Sanam har muzyk giet bûten sjenres om; it is in trochgeande ferkenning, dêr’t tradisjoneel Perzyske ynfloeden gearsmelte mei jazz, hjoeddeiske muzyk, ymprovisaasje, eksperimintele klanken en elektroanyske komposysjes.
De ôfrûne tsien jier is se aktyf west yn de Nederlânske muzyksêne en hat se optreden op festivals lykas Into the Great Wide Open en Oerol. Ek wurke se gear mei makkers en selskippen lykas Club Guy & Roni, Het Houten Huis, Hi-Lo, Het Kanaal en Gaja Caruso.
