Hoe klinkt poëzy sûnder lûd?
Kom derachter by Wurden op Woansdei op 5 novimber! Foar dizze bysûndere edysje ferhúzje wy foar ien kear nei in oare romte yn Podium Explore: yn it atelier genietsje wy fan poëzij en ferhalen yn gebaartaal. Kinst dat net? Gjin soargen, der binne ek tolkjen oanwêzich.
Lykas altyd is der ek in iepen mik, dus dit is de útlêzen kâns om te ûntdekken hoe’t dyn eigen gedicht oerset wurdt yn gebaren!
Wolst neist dyn holle en notysjeboek ek dyn mage fol ha? Kom dan al fan 18.00 oere ôf nei it Podium, de koks fan pop-up restaurant De Voedselbar soargje derfoar datst mei ôfslikke fingers oan it gebaren giest. Kom mei ús de Explore the North-festivalmoanne ôftraapje mei dizze (stille) knaller yn it Stedshert!
Oer it Stadshart
Fan 5 oant en mei 23 novimber feroaret Podium Explore yn it Stadshart. Alle middeis organisearret in oare lokale scene of mienskip in DIY-sesje ûnder de namme Studio Stadshart. De iene dei kinst as besiker gitaarpedalen soldearje, de oare dei learst hoe’tst dyn eigen soerdeeg-starter meitsje kinst. En jûns kinst lekker bykomme mei bandtsjes, lêzings en foarstellingen!
*alle programma’s fan it Stadshart binne fergees tagonklik, útsein Dood Paard – 3 x from Moscow + 🖤.
Is der ek wat te iten?
Jawis. Pop-up restaurant De Voedselbar tsjinnet middeisiten, jûnsiten en all day snacks. It Stadshart is dus eins dyn favorite kafee, mar dan ien dêr’t altyd wat leuks te dwaan of te sjen is. En wêr’tst maklik yn ’e kunde komst mei kreative mienskippen, buorlju, freonen en minsken út de regio. Alle dagen iepen fan 12.00 oant 00.00 oere!