Literêre stjer nei Ljouwert
De wrâldferneamde skriuwer en sosjolooch Édouard Louis komt yn novimber nei ús festival! De Frânske auteur is bekend fan syn tige persoanlike, autobiografyske romans oer ûnder oaren syn famylje, syn homoseksualiteit yn in homofobe omjouwing, rasisme en it opgroeien yn de arbeidersklasse fan Noard-Frankryk. Yn 2014 briek Édouard Louis troch mei syn earste roman Weg met Eddy Bellegueule. Dit jier ferskynt yn novimber it lêste en sechsde diel fan dizze (famylje)rige mei de titel De ûndergean. It wurk fan Édouard Louis wurdt wrâldwiid oerset, ferfilme en benammen ek omset nei teaterstikken.
Édouard Louis giet by ús (en by ILFU yn Utert en de dei dêrnei) yn petear mei kollega-skriuwer en freon Raoul de Jong. Fansels besprekt er syn nije roman De ûndergean en sjogge se werom op alle dielen fan it famyljeprojekt. Mei help fan byldfragminten en foardrachten troch akteurs komme alle wichtige tema’s út it wurk fan Édouard Louis foarby. Wy ferwachtsje in bysûndere jûn, mei in iepenhertich petear oer syn hiele oeuvre, ferrike mei byldmateriaal fan de teaterbewurkingen dy’t derfan makke binne.
Taal: Ingelsk
Dit programma om Édouard Louis hinne is in gearwurking tusken Explore the North en ILFU. De skriuwer sil ek te sjen wêze by ILFU, op moandei 24 novimber yn de Stadsschouwburg Utrecht. Besjoch dizze side foar mear ynformaasje.
‘Al myn skriuwen is polityk – en myn hiele libben is dat ek.’ – Édouard Louis yn The Guardian.
Oer Édouard Louis
De jonge skriuwer en sosiolooch Édouard Louis (1992) waard berne as Eddy Bellegueule. Al sûnt it útkommen fan syn debútroman is er ien fan de meast priizge skriuwers fan syn generaasje. Hy skreau de bestsellers Weg met Eddy Bellegueule, Skiednis fan geweld, Se hawwe myn heit fermoarde, Striid en Metamorfosie van een vrouw en Veranderen: een methode. Syn boeken wurde wrâldwiid foar teater bewurke. Yn novimber ferskynt it boek De ongergang by De Bezige Bij. Dit nije wurk giet oer de dea fan syn broer en is it lêste diel fan yn syn wurk oer syn famylje.
Beeld troch Jean Francois Robert.