Wêr einigje jo, en wêr begjint de wrâld?
Yn in mienskip dy’t kollektiv oerprikkeld is, is it tiid foar in goed petear oer de neuroloyske grinzen fan de minske. Mentale klachten lizze seldsum allinnich mar tusken jo earen. Hoe bewege jo tusken it persoanlike en it politike, tusken romte nimme en romte meitsje, tusken prestaasje en sêft wêzen foar josels, tusken it wrâldske en jo eigen soargen? Neffens neurobiolooch Brankele Frank, skriuwer en programmamakker Sandy Bosmans en spoken word-kunstner Halima Ikane is it tiid foar in goed petear – oer mentale grinzen, sinmakking en in mienskip fol kopsoargen. Yn dizze poëtyske talk besjogge de trije skriuwers fragen lykas: hokker geheimen draacht in burned-out brein mei him mei? Wat bart der as jo redusearre wurde ta in nûmer, in berteplak of in efternamme? Wat hawwe it klimaat en âlder wêzen mei-inoar te meitsjen? Wêr einigje jo, en wêr begjint de wrâld?
Oer de dielnimmende makkers
Brankele Frank berikte har psychyske limyt, skreau dêr in boek oer – en krige dêr noch in burn-out fan. Brankele Frank studearre neurobiology yn Amsterdam, Londen en Parys. Se skreau earder foar Hard//hoofd, nrc.next en Vrij Nederland. Yn 2023 kaam har boek Over de kop út by Utjouwerij Das Mag. Brankele is kolumnist foar it FD en host fan de podcast Let’s Go Mental.
Halima Ikane is studinte Psychology en Pedagogyk, dochter en medeminske. Mei spoken word-foardrachten stie se op poadia lykas Poetry International, Mensen Zeggen Dingen, We The People, Tell ’Em en it Arabysk Filmfestival. Koartlyn wûn se de Talent Award by de Spokenawards 2025.
Sandy Bosmans is spoken word-artyst, skriuwer en programmamakker. Se stie op poadia lykas De Nieuwe Liefde, Mensen Zeggen Dingen, Woorden Worden Zinnen en Paginagroots. As Poetry Slammer helle se yn 2016 de halve finale fan it NK. Se wie lid en coach by Poetry Circle, skreau har earste toanielstik Thuiskomen, en publisearre ûnder oaren yn de bondel En ze leefde nog en de blomlêzing Hardop.