It is echt, dus alles mei
Alexander Moto is in ferhaleferteller en rapper mei ûntwapenjende earlikens. Ut syn brein is de lêste jierren in hielal ûntspruten dêr’t alles njonken-inoar bestean kin: fan ferstilde “kleinkunsthiphop” oan ’e piano oant stuitsjende meespringtracks mei trije biljún doses swag. Yn it Nederlânsk, Frysk of wat der tuskenyn sit. It is echt en earlik, dat Moto-brein, dus alles mei.
Fanút Ljouwert brocht er ûnder oaren it album Radiostilte op Iselmar (2020), de Frysktalige EP drakeënerzjy en de mixtape rups (2024) de wrâld yn – mei sukses, sawol yn ’e regio (hy wûn dit jier ûnder oaren de Bernlefpriis) as derbûten. Op ús festival sjochst him yn de Beatriks, tegearre mei DJ én VJ.