Oandacht: Mar in lyts tal plakken is beskikber per tiidslot foar dit programma. Meld dy oan foar ien fan de foarstellingen mei de knop hjirboppe.
Dizze ynstallaasje kin sjoen wurde op de folgjende tiden:
Freed 21 novimber – 19:00, 20:00, en 21:00
Sneon 22 novimber – 13:00, 14:00, 15:00, 16:00, en 17:00
Snein 23 novimber – 12:30, 13:30, 14:30, 15:30, 16:30, en 17:30
FLOOD THE ZONE WITH SHIT is in ynteraktive audio-ynstallaasje dy’t útnûget om soarch te dragen. As taskôger nimst letterlik plak yn in keamer. In keamer dêr’t, tusken muorren fan stof, nimmen mear is. In keamer dêr’t in echo neigjalmet. In sekonde lyn wie it hjir noch oerdwers lûd; in bombardemint oan prikkels en ynformaasje. De keamer komt sêftsjes ta libben, sjocht dat se leech is en besiket te begripen wat der bart. Mar as wy de keamer, de zone, net oerstreamje litte wolle mei shit, wêrmei dan wol? Wat is it antwurd?
“Dysels in fraach stelle,
dêrmei begjint ferset,
en dan dy fraach oan in oar stelle.”
— Remco Campert
Oer de makkers
Pauline Augustyn (1995) is in audyomakker mei in passy foar alliteraasjes, ferhalen en lûd. Se makket podcasts, radioreportaazjes en sosjaal-artystyk wurk. Mei har audiodokumintêre Une utopie, un mensonge wûn se in Award op it Third Coast International Audio Festival en waard se nominearre foar de Prix Europa 2023. Har Le village des fous waard bekroand mei de NTR Podcastpriis 2022.
Veerle Van Overloop (1969) makket multydissiplinêr teater op ’e snijlijn fan realiteit en fiksje as útlaatklep foar lytse en grutte ferhalen dêr’t se tsjûge fan is. Dat resultearre yn projekten dy’t fariearje fan dokumintearre dansteater (What Lies Beneath) oant de teatrale lûdsrintocht One Million People And Me. It wurk ûntstiet út in synergie fan fjouwer eleminten: in poëtyske, hybride byldtaal en narratyf; in dynamyske ynteraksje tusken performers en publyk; in polityk-sosjale kontekst; en in anargistyske dramaturgy.
Credits
Thibault Goudket (lûddesign, muzyk, finale miks)
Rosa Everts (scenografy)
Carine van Bruggen (stim)
Iljen Put (flyer)
FLOOD THE ZONE WITH SHIT is in gearproduksje fan OORZAKEN, ShELFISH, deBuren en Explore the North.